«сәнді киім және жарасымды киім. қайсысын таңдаған дұрыс? » деген сұраққа 120-140 сөзден тұратын жауап жазыңыз. топтау сан есімдерін қолданыңыз.

Жарасымды әрі сәнді киім.

"Қыздың көзі қызылда" демекші, мен өзім қыз бала болған соң сәнге, әдемі киімге көп мән беремін. Қазіргі кезде сән әлемінде неше түрлі киімдер бар. Бірақ ең алдымен киімнің жарасымды әрі ыңғайлы болып тұрғаны дұрыс. Сонда ғана ол көрікті болып көрінеді. Аталарымыз "Адам көркі шүберек" деп бекер айтпаса керек, таза, әдемі әрі жарасымды киім бізді көрікті етіп тұрады.

Қазіргі кезде сән әлемінде өзіндік орны бар киім дизайнерлері жетерлік, солардың ішінде бірегейлері ол өзіміздің отандастырымыз деп ойлаймын. Себебі олар өзіміз өмір сүріп отырған қоғамға сай киім - кешектер ойлап табады деп есептеймін.

Адам көркі шүберек екені сөзсіз, қазіргі қоғамның өзінде барған жерінде қанша ақылды болсаң да, үстіндегі киген киіміңе қарап алдымен баға береді. Дегенмен, сәнді әрі жарасымды киініп жүру - қазіргі заман талабы. Менің ойымша, әрбір киім екі - екіден, ал аяқ киім төрт - бесеуден болғаны абзал. Сонда алмастырып киюге болады.

Бірақ,  менің ойымша, сәнді киіну үшін міндетті түрде көп қаражаттың керегі жоқ. «Қыстың қамын жаз ойла» демекші, әр маусым аяқталар кезде ірі сауда орталықтарында арнайы жаппай сатылым жүргізіледі, біз мысалға отбасымызбен осындай сатылымдарда жиі өзімізге ұнаған киімдерді екі - үштен сатып аламыз. Мысалға, сәннен шықпайтын классикалық үлгідегі киімдер, немесе қашанда әркімнің гардеробында елеулі орын алатын шалбар - күртелердің әрқайсысы екі - үштен болса жеткілікті.  Былғарыдан жасалған аяқ - киімдерді де осындай маусымаралық сатылымдарда әрқайсымызға екі - екіден сатып аламыз.

Қаражатымызды үнемді жұмсап, әдемі де жарасымды киіне білейік.

Топтау сан есімдері қою әріппен жазылған.