Кім Әріпті Шығарды Аты Кім​

Әріпті кім ойлап тапты?

Ежелгі адамдар қандай да бір хабарламаны беру үшін суреттерді пайдаланған. Ғалымдар олардың қолымен салынған өте көп бейнелерді тапты. Бұл суреттерде адам өз өміріндегі әртүрлі оқиғаларды көрсетуге тырысқан. Уақыт өте келе адамдар суреттерден әліпби жасай бастады. Ежелгі египеттіктерде әрбір сурет бір сөздің мағынасын берді. Мысалы, күннің суреті тұрса – «күн» деп, аяқтың суреті болса – «келе жатырмын» немесе «кетіп барамын» деп оқы немесе «тезірек кел» дегені ме екен...Қысқасы, мұндай әліпби пайдалануға ыңғайсыз болды. Ақырындап суреттерді белгілер ауыстыра бастады. Ал 4 мың жыл бұрын әріптерден құралған әліпби пайда болды. Біртіндеп бұл әліпби ежелгі финикиялықтарға, одан кейін Ежелгі Грецияға, сосын Ежелгі Рим, Болгарияға, одан жерден Руське жетеді. Бұл 1 мың жыл бұрын болған еді.