Абай Өз заманында не істеді? Кім үшін күресті?

Ұлы ақын Абай Құнанбайұлының өмірлік ұстанымы ұлттық идеология негізіне айналуы тиіс. Талдықорғанда өткен «Бабаларға тағзым» атты форумда ғалымдар осылай деді, деп хабарлайды «Хабар 24». Алқалы жиын қазақ жазба әдебиетінің негізін қалаушы Абай Құнанбайұлының 175, тұңғыш қазақ инженері Мұхаметжан Тынышбаевтың 140, «Құлагер ақын» атанған Ілияс Жансүгіровтың 125 жылдық мерейтойына арналды. Басқосуға жиналғандар ұлт перзенттерінің өнегелі өміріне тоқталып, елге сіңірген еселі еңбектерін атап өтті. Шара барысында мемлекеттік қызметкерлер арасында ұйымдастырылған жыр мүшәйрасының қорытындысы шығарылды. Үздік деп танылғандарға қаржылай сыйақы табыс етіліп, дипломдармен марапатталды. Жиынды қорытындылаған мамандар ұлы ақынның қара сөздері мен өлеңдер жинағы әрбір мемлекеттік қызметшінің жұмыс үстелінде тұруы керек деген тоқтамға келді. Гүлбақыт Қасен, ақын: – Бүгінгі форумның мемлекеттік қызметкерлерге берері зор. Себебі бабаларға тағзым арқылы әр мемлекеттік қызметкер тәуелсіздіктің, азаттықтың ұлт қайраткерлері жүріп өткен жолы арқылы сезінеді. Сайлау Қожағұлов, филология ғылымдарының кандидаты: – Әлихан Бөкейхановтың, Ахмет Байтұрсыновтың, Міржақып Дулатовтың, Мағжанның, Шәкәрімнің бәрінің ұстанымында, бастауында Абай тұр десек жаңылмаймыз. Абай - темірқазық. Біз Абайдың шығармаларын оқу арқылы оны халыққа жеткізу арқылы, болашағымызға жарқын жол жасай аламыз. Осы категория бойынша: « «Central Asia's Got Talent»: Шоудың жеңімпазы 22 желтоқсанда анықталады Тимур Сегізбаев туралы деректі фильм жарыққа шықты »