с сорам по Казахскому:

Берілген екі мәтінді мұқият оқып, көтерілген мәселені анықтаңыз.
1-мәтін
Жан досым
Iздегенде табылатын қасыңнан,
Көңілі бар қызғалдақтай ашылған.
Көрiспесек сағыныштан жүдейтiн,
Кiм бар екен бала күнгi досыңнан!
Қайырмасы:
Жан досым, үстем болсын мерейің,
Әрқашан жеңiсiңді көрейiн,
Сырымыз да бiтпесiн,
Жырымыз да бiтпесiн, жырымыз да бiтпесiн!

Қос бұтағы секiлденiп ағаштың,
Қатар жүріп сырымызды сан аштық.
Жол тапсақ та бiрге жүрiп жол таптық,
Адассақ та бiрге жүрiп адастық. (Т.Молдағалиев)

2-мәтін
Қазақстан халқы Ассамблеясы – татулықтың жарқын үлгісі. Әлем үлгі тұтқан айтулы институттың ізімен Сыр өңірінің Жаңақорған ауданында тағы бір бірлестік құрылды. Аудандағы 17 ұлттың 600-ге тарта өкілі «Сығанақ» этномәдени орталығына топтасып, ұрпаққа өнеге болар ұлағатты шараларға ұйытқы болуды көздейді. Ольга Шин: «Сығанақ» этномәдени орталығының мүшесі:
— Қазақстан халқы Ассамблеясы біздің бірлігіміз бен достығымызды арттырды. Бейбітшіліктің қадірін ұғына білгеннің арқасында ел экономикасы нығайды, алауыздықтан аманбыз. Осынау жетістіктер Қазақстанды биік белестерге көтеріп, әлемге танытты. Байлық – байлық емес, бірлік – байлық. Бұл- «Сығанақ» этномәдени орталығының берік ұстанымы. («Сыр бойы» газеті сайтынан)

1.Екі мәтінді салыстырып, берілген тапсырмаларды орындаңыз.

1-мәтін
2-мәтін
Стилі

Құрылымы

Аудиториясы

Тілдік ерекшелігі

2. Сұрақтарға жауап беріңіз.

1.Екі мәтінге ортақ тақырыпты табыңыз.
А) ауызбіршілік пен сыйластық
В)бейбітшілік пен келісім
С) бірлік пен байлық
Д)достық пен бірлік
Е) жолдастық пен достық

2.Мәтін мазмұнына қатысты мақал- мәтелді табыңыз.
А)Ауылы бірдің ауызы бір.
В) Байлық байлық емес,бірлік — байлық.
С)Досты сынамай, сырыңды айтпа.
Д)Сенімсіз жолдас- қауіпті жау.
Е)Шын дос қиыншылықта білінеді.

3. Сыр өңірінің Жаңақорған ауданында құрылған бірлестікің мақсаты
А) байлыққа кенелу
В) бейбітшіліктің қадірін ұғыну.
С) ел экономикасына үлес қосу
Д) биік белестерге ұмтылу
Е) шараларға ұйытқы болу

3.Тақырыпқа байланысты берілген мәселенің оңтайлы шешілу жолдары немесе себептеріне өз көзқарасыңызды білдіріп, дискуссивті эссе жазыңыз. (150 сөз).
Өмірге деген көзқарасы ортақ, дүниетанымы деңгейлес, әрі бір-бірін оңай түсінетін жандар бір-бірімен дос бола алады. Ал оның сақтаушысы адалдық пен шынайылық. Дос деген сенің басыңдағы кез келген жағдайды басқалардан артық түсінетін, яғни өзің сезгендей сезе алатын сенің екінші сыңарың. Дос биікке жетелейтін, қуанышыңа ортақ, қиындықта демеу болатын жан...
Сауал:
Сіз бүгінгі таңдағы достық қарым-қатынасқа қандай баға бересіз?

veterokttty    3   25.11.2021 19:00    0