"ондай болмақ қайда деп,айтпа ғылым сүйсеңіз" написать эссе на казахском

"Ондай болмақ қайда деп,айтпа ғылым сүйсеңіз..."

"Ондай болмақ қайда деп,айтпа ғылым сүйсеңіз" деп дана Абай атамыз айтып кеткендей, жастар ғылым мен білімге құштар болып өсуі керек. Ғылым — уақыт пен кеңістікте бар, зерттеуге болатын шынайы нақты нәрселердің заңдары мен қағидаларын, тәртібі мен құрылымын объективті түсіндіретін, эксперимент пен бақылауға негізделіп, математикалық есептеуді қолданып, жүйелі түсінік қалыптастыратын таным саласы. Жалпы тұрғыда ол жүйелі білім мен ғылыми тәжірибені, ал, арнайы мағынада ғылыми әдістер арқылы жинақталған логикалық білім жүйесі.

Қандай ғылым болмасын, қажырлы еңбекті талап ететіні айдан анық. Бүгінгі күні ғылымның жетістіктері ауыз толтырып айтарлықтай дәрежеде. Ғылымның адам өмірінде пайдасын бір сөзбен айтып жеткізу қиын. Ғылымның пайдасы: қазіргі заманда адам өмірін жеңілдететін түрлі құрылғылар ойлап табылуда; түрлі аурулардың алдын алу немесе емдеу мәселелері түбегейлі шешілуде; ғылымның арқасында адамдар ғарышқа саяхат жасап, өзге планеталарды зерттеуде. Қазіргі таңда білім өрісін кеңейту мақсатымен ғалымдар қоршаған ортаны тереңінен зерттеуде. Ядролық физика мамандары атомның құрылысына үңіле түссе, астрофизиктер миллиардтаған жылдарды кері жылжытып, ғаламның пайда болу тарихын түсінуге тырысуда. Зерттеу аясын кеңейту мақсатымен ғалымдар тіпті көзбен көріп, қолмен ұстауға болмайтын дүниелерді ашуға күш салуда. Дегенмен, бүгінгі таңда әлі ғылымның ашылмаған қаншама сыры бар деп ойлаймын.