Напишите сочинение на рассказ шал мен на казхаском

"Шал" фильмінің трейлеріАйта кетелік, 19 қарашада Алматыдағы Абай атындағы Академиялық опера және балет театрында "Жыл таңдауы" - "Жыл адамы" фестивалінің жеңімпаздарын марапаттау салтанаты болып өтті.Ермек Тұрсынов «Шал» фильмін атақты жазушы Эрнест Хемингуэйдің «Шал мен теңіз» повесінің желісі бойынша түсірді. Фильмді жасау идеясы Мәжіліс депутаты Мәулен Әшімбаевқа тиесілі."Шал" фильмі туралы бір ауыз айта кетсек. Картинада санаулы ғана кейіпкер бар. Басты кейіпкер ауыл қарты, оның келіні және немересі. Жалғыз ұлы өмірден озған соң, Қасым қарт артқа қалған тұяғы немересі Ералыны интернатқа оқуға береді. Ералы болса, атасының бұл қылығына наразылық танытып, оған кетік мінездерін көрсетеді. Үш адамнан құралған отбасы жапан далада қарапайым ғұмыр кешеді. Қарабайыр тіршілікті қаладан аңшылыққа шығу мақсатымен келген үш жолаушы бұзады. Жігіттер шалмен тілдесіп, қасқыр атуды жоспарлағандарын айтып, жол сілтеп жіберуін сұрайды. Алайда, қария қасқырлардың бөлтіріктеп жатқандығын ескертіп, аңға шықпағаны дұрыс боларын айтады. Қаладан келген жігіттер ақсақал сөзін елемей, аң аулауға кетеді. Ертесі күні Қасым қарт өз қойы мен көрші қойын қыстауға айдап кетеді. Боран астында қалған ол адасып кетеді. Осы кезде қасқырлар алдынан шығып, қойға шабады. Қарт қойларды сақтау үшін әлекке түседі. Өзі қиналып жүргенде жол сұраған жігіттердің өлі денелерін кездестіреді. Арасындағы бірі аман қалғанымен, халі мүшкіл болады. Қарт аман қалған жігіт пен өз өмірін сақтау үшін қиындықтарға төтеп беруге ұмтылады. Осы кезде жоғалып кеткен қартты бір топ адам іздеуге шығады. Араларында бала Ералы да болады. Іздеу жұмыстары нәтижесіз болып, қартты «өлі мен табылмайдының» қатарына жатқызған іздеуші топ кері қайтқанда, бала Ералы атасының тірі екеніне шүбә келтірместен, оны іздеп табады. Қазақ даласында түсірілген фильмде а ң қайраттылығы мен өжеттілігі, жігері мен табандылығы көрсетіледі.