Напишите полный ответ на казахском языке журналист болғың келе ме?

Жалпы үлкен өмірге қадам басқан сәттен-ақ көп дүниелерге таңдау жасауға тура келеді.Ата-аналарымыз бала күнімізде үнемі біз үшін таңдау жасап,болашағымыздың жарқын болуына ықпал етсе,енді міне,есейіп,бойжеткен шағымызда барлық таңдау тікелей өзіміздің қалауымызбен жасалатын болды.Сәби күнімізде ойыншық таңдап,оқушы шағымызда мектептегі пәндер мен дос-құрбылар таңдай бастасақ,ал қазір міне мамандық таңдап,болашақты айқындайтын сәтте жетіп қалды. Мен мамандық таңдауға келгенде көп қиналып,ұзақ ойланған жоқпын.Өйткені менің табиғатым кішкентай күнімнен жазуға,сөйлеуге өте жақын болды.  Өнер дейтін құдіретті өлкенің шынайы сыры мен жырынан сәлде болса хабардар болып өстім. 5-ші сынып табалдырығын аттаған кезімде, мені осы мамандық өзіне ерекше баурап алды.Несімен әрине?!

Мен «кітап» деген асыл қазынамен доспын.Көп оқығанды ұнатамын.Газет-журналдардағы,теледидардағы жаңалықтар мені елеңдетпей қоймайды,түрлі бағдарламаларды көрем және оларды өздігімше сараптап,жақсысын көңілге медет тұтамын. Менің ойымда сан мыңдаған арман-тілектер,жоспарлар мен самсаған мақсаттар тұр.Содан,бір күні мен «  осы мақсаттарыма жету үшін маған тек қана журналистика мамандығы көмектесе алады»деген ойға келдім.Өз қалауыммен дәл осы мамандықты таңдай отыра,ерекше құлшыныспен,шынайы сүйіспеншілікпен армандадым.Дәл бүгінгі уақытта мен өзім жылдар бойы мақсат еткен

Әл-Фараби атындағы Қазақ Ұлттық Университетіне журналистика мамандығы бойынша грант иегері болып оқуға түстім. Мен үшін бұл жеңіске жету – өте  қиын,күрделі көпірден өткенмен тең болды. ҰБТ сынағына дайындалып, шығармашылық кезеңдерден  де сүрінбей өту үшін қажырлы еңбек еттім деп айта аламын.Еңбегім еленіп, бағым жанғанына шын қуанамын,өзімді бақытты санаймын. Өйткені, арманымның тең жарты бөлігі журналистика мамандығымен, осы жоғарғы оқу орнымен тығыз байланыста.Болашақта өзімнің авторлық бағдарламамды ашқым келеді. Елімді елең еткізетін тың дүние ойлап шығару жоспарда бар. Мақала жазып,өлең шығарып шығармашылықпен  айналысқанды жаным сүйеді.Болашақта өзім үшін емес,елім үшін адал қызмет атқаратын халқымның қалаулы,елімнің  елеулі журналисті болсам деген асқақ армандарым мені әрдайым алға жетелейді.