Менің арманым- айдармашы болу шығарма керек өте

Менің арманым – аудармашы болу.

Тіл әрбір адамға өмір бойы керек. Жер бетінде халық та,тіл де көп.Ғалымдар дүние жүзінде бес мыңдай тіл бар деп есептейді.

Қазіргі уақытта көп тіл білу-өмір талабы. Қазақ халқы: «Жеті жұрттың тілін біл», деген. Кісі көп тіл меңгерген сайын оның өмірдегі табыстары арта түседі, мүмкіндіктер молаяды. Сондықтан белгілі жазушы Бауыржан Момышұлы «Бір тіл білген адам бір адам,екі тіл білген-екі адам»,-деп айтқан.

Қазақстан Республикасы Болон процесіне мүше болғаннан бері үш тұғырлы тіл мәселесі өз маңызын жоғалтпай, керісінше арта түсуде. Бұл жағдайда Қазақстан бүкіл әлемге халқы үш тілді пайдаланатын мәдениетті ел ретінде танылады. Бұл тілдер: қазақ тілі – мемлекеттік тіл, орыс тілі – ұлтаралық қатынас тілі және ағылшын тілі – халықаралық бизнес пен экономика тілі.

Болашақ осы үш тілді қатар, жетік меңгерген жастарымыздың қолында болмақ. Себебі қазіргі жаһандану заманында бәсекеге барынша қабілетті жастардың болашағы жарқын болмақ.

Қазіргі кезде үш тілді қатар меңгеруге бар жағдай жасалып отыр, сол мүмкіндікті барынша пайдалану керек деп есептеймін. Бұл да қазіргі заман талабы. Тез өзгеріп жатқан дұниеде өмір сүріп, өз орныңды табу үшін жан – жақты болу керек.

Осы орайда мен де өз келешегімді шет тілдерімен байланыстырамын. Арманым – аудармашы болып, шетелде жұмыс істеп, тәжірибе жинау. Себебу, адам қанша тіл меңгерсе, сонша елдің мәдениетімен, салт – дәстүрімен танысып, ой – өрісі де кеңейе түседі. Тіл білудің арқасында шет елді жатсынбай, өзіңді емін – еркін сезінесің.