. Мәтіндегі ақпараттардың қайсысы негізгі, қайсысы қосымша ақпарат екенін V белгісін қою арқылы анықтаңыз. Абай – көркем аударма жасаудың шебер үлгісін көрсеткен ақын. Ақын орыс әдебиеті шығармаларын 1882 жылдан бастап аударған. Ең бірінші аудармасы – орыс ақыны Лермонтовтың «Бородино» атты патриоттық өлеңінен үзінді. Ең соңғысы - Лермонтовтың «Вадим» атты ұзақ әңгімесінің оқиғасынның негізінде өзінше қысқартып жазған поэма. Ал Абайдың М.Лермонтов - Гетеден аударған « Жолаушының түнгі жыры» өлеңінің тарихы ұлылардың үндестігін көрсетеді. Белгілі жазушы Герольд Бельгер өзінің мақаласында: «1780 жылдың күзінде И.В.Гете Ильменау маңындағы Кикильхап шыңының басында тұрған ағаш үйдің қабырғасына қарындашпен сегіз жол өлең жазады. «Жолаушының түнгі жыры» осылай туған. Лермонтов Гетенің осы өлеңін орыс тіліне аударды. Лермон-товтың аудармасы негізінде Абайдың «Қараңғы түнде тау қалғып» өлеңі дүниеге келді. Бір ғажабы – Абай аудармасы Гетеге жақын.
Кейіннен Абайдың туған жеріне үш ұлы ақынның рухани үндестігін, жақындығын көрсететін ескерткіш барельеф орнатылды. Мәрмәр тасқа «Жолаушының түнгі жыры» неміс, орыс, қазақ тілдерінде жазылған...»
Ақын орыс халқының ақын – жазушыларының шығармаларын қазақ тіліне аудару арқылы қазақ әдебиетіне тың жаңалық әкелді. ( 148 сөз)

СофіяГура    1   11.05.2020 08:10    7