Мәтінді оқып, тақырыбын анықтаңыз
Еліміздің жері кең, табиғаты ерекше. Біздің еліміздің әрбір өңірінің табиғаты бір-біріне мүлде ұқсамайды.
Біздің елімізде қызықты әрі көрікті жерлер өте көп. Олардың бірі - «Алтынемел» табиғи қорығы.
Алтынемел - Алматы облысының Кербұлақ ауданында ашылған ұлттық саябақ. Саябақ археологиялық
ескерткіштерге бай. Алтынемел саябағында құмды дала бар. Ол «Әнші құм» деп аталады.
Әнші құм өзінің кеңдігімен таңғалдырады. Жел соққан кезде құм әртүрлі дыбыс шығарады. Жел соққан
кезде ұсақ-ұсақ құмдар төмен қарай жылжиды. Осы кезде сырнайдың даусына ұқсас әп-әдемі ән құлаққа
естіледі. Ал қатты жел соқса, әлгі әдемі үн реактивті ұшақтың дауысына ұқсайды. Жел соққан сайын құм
формасын жиі-жиі өзгертіп отырады. Әнші құмның дыбысы бірнеше қашықтықтан естіледі. Әнші құм -
табиғаттың қайталанбас ғажайыбы.
Қазақстанның табиғаты сұлу жерлерінің бірі - Ақсу-Жабағылы қорығы. Ақсу-Жабағылы қорығының
мақтанышы - алма ағаштары. Қорықта алманың бірнеше сорты өседі. Бұл қорық - қызғалдақ пен
сарғалдақтың отаны.
Қорық аң-құсқа бай. Онда таутеке, елік, марал, қар барысы, аю, борсық, мензбир суыры, ондатр т.б. абдар;
Гималай ұлары, кекілік, бүркіт, қарақұтан, бозторғай, сарыторғай, шымшық т.б. құстар; сарыбауыр кесіртке,
жылан, құрбақалар мекендейді. Қорықтың ландшафтысы ерекше. Онда шөлейттер де, ылғалды жазықтар
да, аршалы ну ормандар да бар.

Қазақстан қорықтары
Табиғаттың қайталанбас ғажайыбы
"Ақсу-Жабағылы" қорығы
"Алтынемел" ұлттық саябағы

DianaAudley    3   25.12.2020 05:57    3