Басыма қилы-қилы ойлар сапырылысып келеді. Оныншыны бітірген соң, армияға шақырылам. Ал Жанар болатын болса, институтқа оқуға түседі. Сонда, бәлем, мен оған өлеңдетіп тұрып неше алуан ғажап хаттар жазармын-ау. ...Көзге түртсе көргісіз тастай қараңғы. Сабалап жаңбыр құйып тұр. Жентектелген қою қара бұлт аспан төрінде дарияша сапырылысады. Күн күркіреп, найзағай шартылдап, көзді шағып, құлақты тұндырады. Күркіреп тасып аққан көк бурыл тау өзенінің жағасында табиғаттың долы мінезін елең қылмай, қаруын кезеп ұстап сұсты шекарашы тұр. Бұл жауынгерлік борышымды өтеп тұрған мына менмін.

Менің даңқым осы күні-ақ бүкіл елге жайылады. Газеттер, мүмкін, суретімді де басып шығарар. Сонда Жанар не күйге түсер екен?

Мен армиядан батыр атанып, орден тағып келе жатырмын. Көпір аузында шоқ-шоқ гүл бумаларын ұстаған нөпір жұрт жолымды тосып тұр.

Б.Соқпақбаев «Менің атым Қожа»

4. Мәтінге тірек болған тақырыпты анықтаңыз

А) Білімді бала

В) Бала қиялы

С) Адамның сырт келбеті

Д) Ізгі мінездер
5. Мәтіндегі оқиғаларды ретімен орналастырыңыз.

1. Қожа жауынгерлік борышын өтеп тұр.

2.Жанар институтқа оқуға түседі

3. Қожаның басына болашағы жайлы ойлар келді

4.Армиядан батыр атанған Қожа елге оралды

5. Даңқты батыр жайлы газеттер жарыса жазды

А) 4, 2, 1, 5, 3

В) 5, 4,2, 1,3

С) 3, 2, 1, 5, 4

Д) 1, 3, 4,2, 5

​

Наполнение    2   12.03.2021 15:20    6