2-тапсырма. Төмендегі мәтіндерді оқып шығып, тақырыбын, стиль түрлерін, мәтіндердің түрлерін, құрылымын салыстыра талдау жасаңыз.(8-9 минут) 1-мәтін.
Пікір алмасу (лат.discusio-қарау, талқылау)-көкейкесті мәселелерді шешу мақсатына құрылатын, біліктілік пен мәдени өрені талап ететін пікірталастың түрі.Айтылар ойларды тоғыстыра отырып, пікірталас қа қатысушылар ортақ шешімге келі мақсатын көздейді.Мәселені жан-жақты қарау мен талқылау арқылы көпшілік көтерілген мәселенің түйінін тауып, ортақ пікірге келеді.
Арнайы баяндамашы белгіленбейтін, қатысушылардың бәрі өз пікірін білдіруге тең құқылы бұл сөз сайысы белгіленген тәртіп, кесімді уақыт, алдын ала белгіленген тақырып төңірегінде, алдын ала белгіленген төрағаның басқаруымен жүргізіледі. Барынша ұстамдылықпен, пікір айтушының ары мен адамдық келбетіне нұқсан келтірмей, қайта әр пікірден қажетті ой ұшқынын таныта білу азаматтық келбетіңді ажарлай түседі.
Мәтіннің тақырыбы:
Мәтіннің стилі:
Стильді айқындайтын сөйлемдер мен сөздер түрі түрі:

Мәтін түрін тап, таңдау себебіңді жаз. (сипаттау, әңгімелеу, талқылау)

2-мәтін
Мәдениет-өркениеттің басты көрсеткіші. Дала өркениетінің төл перзенті-қазақ халқы эпостарға бай.Көне металлургия ордасы Орталық Қазақстанда біздің жыл санауымыздан бұрын V ғасырда пайда болған. Байтақ даланы қақ жарып, Шығыс пен Батысты қосатын Ұлы Жібек жолы мәдениет жолы болғаны да күмән тудырмайды. Киіз үй, арба, дала күнтізбесі,аңдар айшықталған көне өнер туындылары, ел басқару өнері, түркілер шыңдаған әскери өнер, өзіндік алфавит, 5000 күй мен аңыз Дала өркениетінің өзіндік қолтаңбасы бар екенін танытады. Д. Нерудің: «Дала перзенттері Еуропаны шапты да, цивилизациялады»,-деуі осыдан.
Жаңа тәуелсіздік дәуірі қазақтың ұлттық мәдениетін мемлекеттік деңгейге көтерді. Ол көп ұлттық сипаты бар Қазақстан мәдениетінің өзегіне айналды. Ұзақ жылғы қуғын-сүргін, зобалаңнан ақталған қазақ мәдениеті ұлыларының мұрасы халық қазынасына қосылды. (М. Қозыбаев)

Мәтіннің тақырыбы:
Мәтіннің стилі:
Стильді айқындайтын сөйлемдер мен сөздер түрі:

Мәтін түрін тап, себебін жаз. (сипаттау, әңгімелеу, талқылау)

lenab85    2   12.10.2020 13:58    6