Як у паэме выявілася рамантычнае светаўспрыманне яе аўтара?

Рамантычнае светаўспрыманне аўтара выявілася парз вобразы і сюжэт твора. Перад намі тыповы рамантычны твор — з выключнымі героямі, выключнымі абставінамі. Выключны нават знешні воблік Гражыны:
Яе аблічча дзве красы злучала.
Павагай здзівіць, свежасцю прывабіць,
І бачыш быццам і вясну і лета…
Выключныя і яе ўчынкі:
Любімыя заняткі маладзіцы
Не раз адкладвала і зброю брала.
Не раз на жмудскім скакуне гарачым
Ў рысінай шапцы, у мядзведжай свіце
Паміж стралкамі, як сапраўдны віцязь,
Бывала, полем ці дарогай скача.
Дзеянне адбываецца ў замку, ды яшчэ ноччу. Персанажы — носьбіты нейкай адной рысы, адной страсці. Твор — трагічны па сваім пафасе.