Keksa kulol va shogird (Rivoyat)

Bir kuni keksa bir kishi o'z o'g'lini kulolning uyiga boshlab kelib: - Shu o'g'limga hunaringizni o'rgatsangiz, deb iltimos qilibdi. Kulol rozi bo'libdi. Shogird kulolnikida tuproq qazibdi, suv tashibdi, loy qilibdi, o'choqqa o't qalabdi, xullas, ustozning barcha aytganlarini toʻliq bajaribdi. Ular yasagan idish-tovoqlar xaridorlarga manzur bo'lib, tez sotila boshlabdi. Oradan bir-ikki yil o'tgach, shogird ,,Kulolchilikni miridan sirigacha o'rganib oldim, endi yugurdak bo'lib yuramanmi", deb o'ylabdi-da, ustozidan ketishga ruxsat so'rabdi. Kulol unga:

-O'g'lim, sabr-toqat qilib, puxta o'rganib olganing yaxshi edi. debdi. Biroq shogird o'z aytganida turib olibdi va ustozidan rozilik olib, o'zi alohida ish boshlabdi. Katta bozorga borib do'kon ochibdi va yasagan idishlarini sota boshlabdi. Xaridorlar u yasagan choynak, piyola, ko'zachalarni tezda talashib sotib olishibdi. Buni eshitgan keksa kulol:

Oxiri baxayr bo'lsin! - deb, o'z ishini davom ettiraveribdi. Biroq sal o'tmay, shogirdining ishi yurishmay qolibdi, uning mollarini hech kim xarid qilmay qo'yibdi. Chunki u yasagan lagan-tovoqlarning sirlari xiralashib, koʻchib ketayotgan ekan. Ustozining do'konida esa xaridorlar avvalgidan ham ko'payib, savdo yanada yaxshilanib ketaveribdi. Oxiri shogird ming pushaymonlik bilan ustozi oldiga qaytib kelib, uni kechirishini va yana yonida ishlashga ruxsat berishini so'rabdi. Shogird endi kulolchilikni mukammal egallashga astoydil bel bog'labdi.

Savol va topshiriqlar:

1. Ayting-chi, nima uchun shogirdning ishi yurishmadi?

2. Nima uchun hunar o'rganayotganda sabr-toqatli bo'lish kerak?

3. Matndan fe'lning vazifaviy shakllarini toping va quyidagi jadvalga joylashtiring, bajaradigan vazifalarini tushuntiring.

Нужно ответить на вопросы по тексту и ещё заполнить таблицу, которая на фотографии , а то я вообще не вдупляю...

anchousuchixa    1   16.12.2021 11:09    20