Chorvoq suv ombori haqida nima bilasiz

Chorvoq suv ombori Toshkent viloyatining shimolida Chirchiq daryosida joylashgan va 2 kub. km hajmga ega. 37 km2 suv sirtini balandligi 168 metrga teng tosh uymali to‘g‘on to‘sib turibdi.

U 3209m balandlikka ega katta Chimyon tog‘idan yaxshi ko‘rinib turadi.

Davlat uchun Chorvoq suv ombori strategik ahamiyatga ega. Uning suvi dalalar va bog‘larni sug‘orishda ishlatiladi, shuning uchun yozda uning sathi sezilarli darajada pasayadi. Uning suvlarida sazan, marinka, forel, oq baliq va pelyad baliqlarini uchratish mumkin.

Axoli yashaydigon joylari va tarixi

Chorvoqning qirg‘oqlari taxminan yuz kilometrga cho‘zilgan. Qirg‘oq bo‘yda ketma-ketlikda aholi turar joylari joylashgan. Misol uchun, shu nomli qo‘shiq tufayli mashhur bo‘lgan Brichmulla (Burchmulla).

Bog‘iston, u yerdan ikkita mashhur odam chiqqan. Shayx Xovandi Tohir XIII asrda dunyoga keladi. Uning maqbarasi O‘zbekiston poytahtida joylashgan va eng ahamiyatli tarixiy va me’moriy mulklardan biridir. Hamda XV asrda yashagan va uning avlodidan bo‘lgan Shayx Ubaydulla Ahrordir. Buyuk so‘fiy mintaqa diniy ulamolariga yetakchilik qilgan.

Yana Chorvoqda chiroyli manzarali Yangiqo‘rg‘on, Yusufxona, Sijjak va boshqa qishloqlar joylashgan. Ular avtomobil halqa yo‘li bilan bog‘langan.

Chorvoq suv ombori – bu tarixiy va arxeologik yodgorliklar xazinasidir. Paltau daryosida (Paltausoy) ibtidoiy odamlar manzilgohini ko‘rish mumkin. Hojikentda (Chorvoqqacha mashinada 10-15 daqiqa) petrogliflarga ega (qoyaga o‘yilgan suratlar) Chinor g‘ori bor.