Симеон Полоцкий любое стихотворение

Симеон Полоцкий Глас народа («Что наипаче от правды далеко бывает…»)

Что наипаче от правды далеко бывает,

гласу народа мудрый муж то причитает.

Яко что-либо народ обыче хвалити,

то конечно достойно есть хулимо быти.

И что мыслить — суетно, а что поведает,

то никоея правды в себе заключает.

Еже гаждает — дело то весма благое,

а еже ублажает — то бохма есть злое.

В кратце, что-либо хвалит — то неправо в чести.

Мир сей непостоянный весь лежит в прелести.

Не веруй убо гласу общему народа

ищи в деле правды человеча рода.

Слово ветр развевает, а кто тому верит,

безразсудно срамоты мзду себе возмерит.

Объяснение:

Воздержание

Воздержание аще безмерно храниши,

Множицею души ти вред велий твориши:

Плоти бо изнемогшей ум не добр бывает, —

Разсуждение в меру вся да устрояет.

Уне есть мерно по вся дни вкушати,

Нежели долго от пищ ся держати:

Пост бо безмерный силу истребляет,

Дух уныния и печаль раждает.