Сәнгер б.исмаилов жайлы ақпарат жинақтау

Берік Исмайылов жайлы.

Модельер-конструктор, халықаралық дизайнерлер қауымдастығының мүшесі, «Берік Ысмайылов» авторлық сән салонының директоры, Омбы политехникалық институтының, Мәскеудегі Любовь Красникова — Аксенева авторлық мектебінің түлегі. - Берік Әбдішұлы Ысмайылов 1962 жылы 15 наурызда Қызылорда облысының Жаңақорған ауданында қарапайым жұмысшы отбасында дүниеге келген.

Әке - шешесі қарапайым жұмысшы, отбасында болған. Өмір бойы май құю станциясында жұмыс істеген әкесі соғыс ардагері, қадірлі ақсақал болған. Әке - шешесінің жастық шақтары ашаршылықпен, одан кейін соғыспен сәйкес келіп, көп қиыншылық, жетімдік көрген адамдар.

Берік Әбдішұлының қолынан пішу, тігу деген шаруалар келсе де, бұл өнерді әрі қарай жетілдіруге айналадағылардың күлкі етуі кедергі болып, бұл мамандыққа бармайды. Сондықтан болар Ресейдің Омбы қаласындағы политехникалық институтты бітіріп, инженер мамандығын алып шығады.

1985 жылы дипломын алып, Ташкенттегі авиациялық зауытқа инженер-конструктор болып кіріп, сол жерде 11 жыл жұмыс істейді. «ИЛ 76 МД» деген әскери ұшақты жасауға атсалысады.

Әйелі Гүлнәрдің де мамандығы инженер, екеуі осы зауыттағы «31-цех» деп аталатын плаза цехында жұмыс істеген.

Берік Ысмайловтың «Жоқтау» деп аталатын сәнді киім үлгісі 2004 жылы халықаралық байқауда бас жүлдені жеңіп алды.