Сұхбатты оқып отырып, монолог құрыңыз және монологқа ат қойыңыз. (60 ұпай)
- Ассалаумағалейкүм, аға!
- Уағалейкүмассалам, інім!
- Аға, мен сіздердің театрларыңыз туралы «Қазақстан» телеарнасына бейнематериал дайындап жатыр едім. Соған байланысты бірнеше сұрағым бар?
- Бәрекелді! Театр туралы айтуға мен кез келген уақытта дайынмын.
- Театрларыңыз ең алғаш шымылдығын қашан ашты?
- Қазақ өнерінің қара шаңырағы, ұлттық мәдениетіміздің мақтанышы М.Әуезов атындағы академиялық драма театры – қазақтың тұңғыш кәсіби театры ретінде шымылдығын 1926 жылыдың 13 қаңтарында Қызылорда қаласында ресми түрде ашылды.
- Тұңғыш қандай қойылым көрсетілді?
- Қазақ мемлекеттік драма театрында М.Әуезовтың «Еңілік-Кебек» қойылымы көрсетілді.
- Алматы қаласына қашан көшірілген?
- 1928 жылы бұл театр Қызылорда қаласынан Алматыға қоныс аударып, театрдың шығармашылық құрамында К.Байсейітова, Ж.Елебеков, Ш.Жиенқұлова сияқты өнер майталмандары өнер көрсетті. 1937 жылы театрға «академиялық» атағы берілді.
- Театрға М.Әуезовтың есімі қашан берілді?
- 1961 жылдың 10 тамызында Қазақтың Мемлекеттік академиялық драма театрына ұлы тұлға М.Әуезовтың есімі берілді.
- М.Әуезов қазақ әдебиетімен қатар қазақ театр өнерінде де сіңірген еңбегі зор ғой?
- Дұрыс айтасыз, М.Әуезовтің қара шаңырақтың іргесі бекіп, керегесі кеңеюіне қосқан үлесі мол. Кезінде осы театрда әдебиет бөлімінің меңгерушісі болып та қызмет істеді. Өзінің төл туындыларымен қоса әлемдік драматургия жауһарларынан аударып, репертуарды байытуға да үлкен үлес қосты.
- Ұлттық режисура туралы не айтар едіңіз?
- 1960 жылдан бастап, ұлттық режиссураның өркендеу кезеңі басталды. Бұл ретте де М.Әуезов театрының орны ерекше. Өйткені қазақтың тұңғыш кәсіби режиссері А.Тоқпанов бастаған режиссерлер шоқжұлдызының бұл театрға түгелдей қатысы бар. А.Тоқпанов, Б.Омаров, Ә.Мәмбетов, Р.Сейтметов, Қ.Жетпіспаевтардың шеберлік қырлары да қара шаңырақ сахынасында бекем қалыптасты.
- Бүгінгі таңда қандай жетістіктеріңізбен мақтана аласыз?
- Мен басты жетістік туралы ғана айтайын. Театрдың соңғы жылдардағы үлкен жетістіктерінің бірі – көрерменмен қайта табысуы. Ал, көрермен ықыласының артуы – театрдың қоғам үшін, адам үшін бүгінгі таңда аса өзекті деген мәселелерді көркем көтеріп отырғаны және халықтың рухани азыққа бет бұра бастауы.
- Қазіргі кезде репертуарларыңыз бай шығар?
- Иә, біздің репертуарымызда соңғы жылдары қойылған ұлттық және әлемдік классика, тарихи тақырыптан: «Абай», «Айман-Шолпан» М.Әуезов, реж. Е.Обаев, Қамар сұлу, «Махаббат дастаны», «Ромео мен Джульетта» (Шекспир, аударған Ә.Кекілбаев), тағы да басқа көптеген спектакльдер бар.
- Әңгімеңізге рақмет , аға!
- Сізге де рақмет! Театрға келіңіздер, көріңіздер!

dimagolovin20    3   07.12.2020 09:55    1