Нағыз саяхатшы болу үшін қандай қабілет керек? ​

Саяхатшы болу үшін қандай қабілет керек?

Саяхатқа шығуды ұнатпайтын адам жоқ шығар. Мен өз басым саяхат десе,  ішкен асымды жерге қоюға дайынмын. Мейлі ауыл болсын, қала болсын, қыдырғанды өте қатты ұнатамын. Сапар шеккен адам ел көреді, жер көреді, ой – өрісі кеңейеді, бой жазып қайтады. Саяхатқа қатысты менің арманым бар, ол – ең алдымен ұлан байтақ еліміздің ірі қалаларын аралау, себебі Қазақстанда көрікті жерлер жетерлік, одан кейінгі арманым – жер шарын аралау.

Дегенмен, саяхатшы болу бір қарағанда оңай мамандық көрінгенімен,  мүлдем олай емес. Алдымен саяхатшы болу үшін білімді болу керек, тек өз еліңнің ғана емес, басқа да мемлекеттердің салт – дәстүрін, мәдениетін біліп, сонымен қатар шет тілдерін де жетік меңгеру керек. Одан кейін денсаулығың мықты болып, түрлі қоршаған орта жағдайларына бейімделуге дайын төзімді болу керек. Себебі саяхат уақытында түрлі келеңсіз жағдайлар орын алуы мүмкін.

Сонымен қатар, біліміңді жетілдіріп, саяхат жайлы белгілі саяхатшы – этнографтардың жұмыстарымен танысып, біліміңді жетілдіру керек. Мен қазақтың ғұлама ғалымы, шығыстанушы, тарихшы, этнограф, саяхатшы Шоқан Уәлихановтың еңбектерін сүйсініп оқып, болашақта сол кісі секілді шығыстанушы ғалым болуды армандаймын.