Мәтінді мұқият оқып шығып, ат қойыңдар. Адамзат тарихында үлкенді-кішілі он бес мыңға жуық соғыс болған екен. Солардың ішіндегі ең қайғы-қасіретке толысы, ауқымдысы, ең жан түршігерлігі Ұлы Отан соғысы болды. Сол соғысқа қатысып, жеңіске жеткен және осы жолда өмірлерін құрбан еткен асыл азаматтарды еске алып, оларға құрмет көрсетіп отыру – бүгінгі ұрпақтың қасиетті борышы, қастерлі міндеті. «Кеңес Одағы деген үлкен мемлекеттің барша халқымен бірге, Қазақстан да бұл сұрапыл соғыстағы жеңіске өзінің үлкен үлесін қосты. Қасиетті де қастерлі Отан үшін жанын пида еткен шейіттерді жыл сайын еске алып, олардың рухына тағзым ету – біздің, кейінгі ұрпақтың ең басты парызы... Сіздердің ерліктеріңіз, отансүйгіштіктеріңіз, бірліктеріңіз, бауырмалдық және ынтымақтастық қасиеттеріңіз – бүгінгі күнге дейін ұрпақтан-ұрпаққа жалғасып келе жатқан үлкен құндылық. Сондықтан да сіздерге басымызды иеміз.Туған Отанының бостандығы мен азаттығы үшін қиындыққа төзіп, тылда қажырлылықпен еңбек еткен, сөйтіп, Жеңісті жақындатуға өз үлестерін қосқан, таңның атысынан күннің батысына дейін тізе бүкпей жұмыс істеген сол бір қайратты да қайсар жандарға да бүгінгі ұрпақтың ризашылығы шексіз», – деді Елбасы. 9 мамыр – Жеңіс Күні – ең қымбатты, қуанышты да қайғылы, мәртебелі мейрам, халқымыздың ерлігі мен даңқының жарқын көрінісі. 1945 жылдың 9 мамыры... Жылдан-жылға алыстап бара жатқан мерзім. Дей тұрғанмен, Ұлы Жеңістің анық бағасы мен маңызы біздің жадымызда мәңгі орын алған деуге болады. Ұлы Жеңіс тойы – бұрынғы кеңестік халықтардың ортақ, басты мерекелерінің бірі. Жыл сайын қадірлі ардагерлерге бейбіт өміріміз бен бақытты болашағымыз үшін алғысымызды білдіреміз! Ардагерлер ерлігіне мәңгі тағзым етеміз, уақыт өткен сайын майдангерлердің қаһармандық ерліктерін жиі еске алатын боламыз. *

vstef    3   19.05.2021 08:13    0