Еуропа қалаларында көптеген адамдар велосипедпен жүреді, өйткені олар велосипедтің жанар-жағармайды үнемдейтінін және қоршаған ортаның ластануын азайтатынын біледі . Соған қарамастан, елімізде қала орталығында велосипедпен жүруге тыйым салу туралы шешім шығарды. Ал мен бұл шешіммен толық келісемін. Осы тұрғыдан өз көзқарасымды түсіндіріп өтсем... (өтейін, кетейін) Менің ойымша, бұл шешім дұрыс. Біріншіден, біздің жолдарымыз Еуропадағыдай велосипедпен жүруге арналмаған, олар тым тар және велосипедтерге арналған арнайы жол жоқ. Сонымен қатар, велосипедтер бізге жол қауіпсіздігі жағдайында көмектеспейді, тіпті,

кейде велосипед айдаушылар жиі жол қозғалысы ережесін бұзады және қайғылы жағдайға душар етеді. Тағы да айта кетер жайт, еліміздің солтүстік өңірінің ауа райы велосипед жүрісіне қолайлы емес. Қыста жолдарда мұз қатады, күзгі және көктемгі жолдар жауынды, сондықтан велосипед қозғалысына қиындық тудырады.
Екіншіден, кей адамдар велосипедпен жүру біздің денсаулығымызға пайдалы деп жатады. Алайда, мен бұл пікірге толықтай келісе алмаймын, себебі көптеген жол апаттарында велосипед айдаушылар жарақат алып жатады. Кей адамдар велосипед айдау экологиямызға пайдалы деп қарсыласуы мүмкін. Бірақ сіз тезірек жүретін әрі жайлы көлік түрі – автомобильге де арнайы тазарту құралын орната аласыз ғой.

Қорыта келе, бұл мәселеге түрлі пайым-көзқарастар бар. Меніңше, жолда арнайы велосипед жүру жолы болмаған жағдайда қала орталығында велосипед айдауға тыйым салынуы керек. Менің пікірімше, велосипед ауыл арасы сияқты қысқа жолдарда жүретін көлік түрі болып табылады.

Gunterio    3   15.03.2021 08:27    0