Артық ғылым кітапта эссе керек ​

«Артық ғылым кітапта...»

Ұлы Абайдың өмірі мен асыл мұра­сын насихаттау Қазақстан Республика­сы­ның Президенті Қасым-Жомарт Тоқаевтың Жарлығына орай өткен жылы жаңаша сипат алды. Мемлекет бас­шысының тікелей өзі қатысып, елі­мізде ғана емес, шетелде де қолдау тап­қан ақын өлеңдерін оқу акциясына алғаш­қы күннен бастап Ұлттық кітап­хана да белсене атсалысып келеді. Әсі­ресе біздің ұжымның өткен жылдың тамыз айында Афинада өткен Дүниежүзілік кітапханалық және ақпарат­тық конгресс аясында «Абай – Ұлы даланың ақыны» атты әдеби кеш ұйымдас­тырғанын атап айтар едім. Салтанатты шара еліміздің Грекиядағы елшісі А.Ю.Волковтың құттықтау сөзімен ашылды. Жиналғандар ұлы ақынның өмір жолы және асыл мұрасымен таныстырылып, экран арқылы арнайы көрсетілім (слайд-шоу) ұсынылды. Абай Құнанбайұлының әлем тілдеріндегі өлеңдері оқылып, «Көзімнің қарасы», «Айттым сәлем, Қаламқас» әндері шырқалды. Грек елінің Ұлттық кітапханасының алтын қорына және қазақстандық елшілікке Абайдың 1909 жылғы тұңғыш жинағының көшірмелері мен ақын шығармашылығы жайындағы кітаптар сыйға тартылды.

RUB 5.74 USD 426.14 EUR 517.08

қaзaқшa

Абай • 03 Наурыз, 2020

«Артық ғылым кітапта...»

3586 рет

көрсетілді

Ұлы Абайдың өмірі мен асыл мұра­сын насихаттау Қазақстан Республика­сы­ның Президенті Қасым-Жомарт Тоқаевтың Жарлығына орай өткен жылы жаңаша сипат алды. Мемлекет бас­шысының тікелей өзі қатысып, елі­мізде ғана емес, шетелде де қолдау тап­қан ақын өлеңдерін оқу акциясына алғаш­қы күннен бастап Ұлттық кітап­хана да белсене атсалысып келеді. Әсі­ресе біздің ұжымның өткен жылдың тамыз айында Афинада өткен Дүниежүзілік кітапханалық және ақпарат­тық конгресс аясында «Абай – Ұлы даланың ақыны» атты әдеби кеш ұйымдас­тырғанын атап айтар едім. Салтанатты шара еліміздің Грекиядағы елшісі А.Ю.Волковтың құттықтау сөзімен ашылды. Жиналғандар ұлы ақынның өмір жолы және асыл мұрасымен таныстырылып, экран арқылы арнайы көрсетілім (слайд-шоу) ұсынылды. Абай Құнанбайұлының әлем тілдеріндегі өлеңдері оқылып, «Көзімнің қарасы», «Айттым сәлем, Қаламқас» әндері шырқалды. Грек елінің Ұлттық кітапханасының алтын қорына және қазақстандық елшілікке Абайдың 1909 жылғы тұңғыш жинағының көшірмелері мен ақын шығармашылығы жайындағы кітаптар сыйға тартылды.

Egemen Qazaqstan

Коллажды жасаған Амангелді Қияс

«Абай – Ұлы даланың ақыны» әдеби кешінің ежелгі грек жерінде, ұлы ойшылдар Гомер, Сократ пен Аристотельдің елінде өтуінің де ұрпаққа тәрбиелік та­ғы­лымы терең оқиға екені даусыз. Адамзат өркениетінің қазақ халқының бай рухани мұрасымен іс жүзінде хакім Абайдың арқасында танысқаны мәлім. Сондықтан осы сапарда да біз ұлы ақын­ның өмірі мен шығармашылығын, дана ойлары мен дара көзқарастарын шетелде мейлінше кең тарату ісіне нақты үлес қосу мақсатын көздеген едік. Ал дүние жүзі кітапханаларының жетекшілері бас қосатын халықаралық конгресс Абай мұрасын насихаттау үшін таптырмас мүмкіндік болатын.

Төл шығармаларында ежелгі заманды, көне тарих пен ескінің сөзін оқтын-оқтын тілге тиек ете отырып, хакім грек хал­қының рухани тәжірибесін зерде­лейді. Ежелгі эллиндердің өнері, философиясы мен тарихы туралы өлеңдерінде, әсіресе қара сөздерінде айтқандары – оған грек классикасының рухы жақын әрі түсінікті болғанының айғағы. Абай өзінің «Жиырма жетінші сөзінде» сұхбатқа қатысушылардың бірінің атынан былай дейді: «Гомерге бәйітшілігі себепті, Софоклге трагедиясы себепті, яғни бі­реу­дің сипатына түспектік, Зевксиске суретшілігі себепті таңырқаймын».

Ұлы даланың көшпелі әлемі «Одис­сея» поэмасында қарсылас жақтың құн­ды­лықтарына шынайы адамгершілік тұр­ғысынан баға беретін Гомерге де белгілі болған. Грек ойшылының дана­лы­ғы сонда, ол сақтардың аң стилі дәс­түрінде дүниеге келген көшпелі елдің өнер туындыларын мадақтай отырып, қайшылықтардың тігісін жатқызуға, жуыс­пас жақтарды жақындастыруға тырысады. Осыдан бір ғасырдан астам уақыт бұрын «Адамзаттың бәрін сүй, бауырым деп, Және сүй хақ жолы деп ғаділетті» деген терең адамгершіл өсиет қалдырған Абайды бүгінгі ұрпақтары ұлттар мен ұлыстар арасындағы зор мәмілегер ретінде құрмет тұтамыз.