7-тапсырма. «экспо-2017 көрмесі Қазақстанға не берді?» деген тақы- рыпта шолу мақаласын жаз,

АСТАНА. ҚазАқпарат - ЕХРО-2017 халықаралық көрмесінің елордамызда ашылуына жарты жылдай ғана уақыт қалды. Тойдың болғанынан боладысы қызық деп, елімізде бұрын-сонды болмаған мұндай іс-шараның абыроймен өтуіне халықтың елеңдеуі де өте орынды. Келесі жылдың 10 маусымынан бастап, үш ай бойы Елордамыз 5 млн-нан астам туристерді қабылдайды. Бұл Қазақстанның халықаралық деңгейде абыройының асқақтауына зор себеп. Көрмені өткізу Астана қаласының, ссонымен бірге республикамыздың экономикалық және инфрақұрылымдық дамуын қосымша ынталандыруға қызмет етеді. Мұндай мамандандырылған көрмелерде әлемнің барлық мемлекеттері өздерінің ең үздік инновациялық, технологиялық, ғылыми және мәдени жетістіктерін әлем назарына ұсынады. Олар жаһандық дамудың жаңа күн тәртібін қалыптастыруға бет алып, жаһандық экономиканың өрлеуін де, мәдениеттің мәйегін де, өнердің гүлденуін де паш етеді.

Сонымен Болашақ энергиясы атты тақырыпта өтетін ЭКСПО-2017 халықаралық мамандырылған көрмесі елімізге не береді?

ЭКСПО - республикамыздың экономикалық және инфрақұрылымдық дамуының қосымша стимулы. Әлемнің әр түкпірінен келген жаңа, заманауи, инновациялық технологиялар көрмеге қойылып қана қоймай, олардың жұмыс істеу қағидалары да көрсетілетін болады. Соның нәтижесінде, біз басқа елдердегі озық технологиялар мен техниканың қай бағытта, қалай дамып бара жатқанына куә боламыз. Өз еліміз бен алдыңғы қатардағы елдердің арасындағы технологиялық прогрестің айырмашылығын ажыратып, өзіміздің деңгейге баға бере аламыз.

Көрмеге келушілер еліміздің көпұлтты бай мәдениетімен, салт-дәстүрімен, тарихымен, өнерімен және қазақтың ерекше қасиеті - қонақжайлылығымен танысады. Әлемдік қоғамдастықтың алдында бұл көрме Қазақстанның туристік тартымдылығын және танымалдығын арттырады.

ЭКСПО-ға арнайы салынған қалашық пен түрлі жоба нысандары көрме аяқталғаннан кейін де, қала тұрғындары мен қонақтары үшін қызмет ететін болады. Тіпті, жоба барысында қонақ үй ретінде соғылған көпқабатты ғимараттар қала әкімдігіне өтіп кейінен тұрғын үйлердің қатарын толықтырады екен. Соның есебінен қалалық әкімдік тұрғын үй мәселесін мүмкіндігінше оңтайландырмақ.

Орта Азия елдерінде алғаш өткізілгелі отырған бұл шараға кем дегенде 5 млн-нан астам адам келеді деп күтулуде. Әр келген турист өзімен бірге кемінде 100 доллар ала келеді десек, еліміздің бюджетіне бұл елеулі табыс.

Оған қоса, ЭКСПО көрмесін Астанаға келіп тамашалаған адам, жаз айында Бурабай мен Алматыға соқпай кетуі мүмкін емес. Яғни, шағын және орта кәсіпкерлер келген туристер есебінен пайда табады.

Айтпақшы, естеріңізге сала кетейік, Париждегі жеті кереметтің бірі - Эйфель мұнарасы осындай ЭКСПО көрмесі кезінде салынған уақытша ғимараттың бірі еді. 1884 жылы Франция басшылығы 1889 жылғы Ұлы Француз революциясының 100 жылдығы құрметіне ЭКСПО өткізіп, оған келген жұртшылықты керемет зәулім ғимарат салып, қайран қалдыру керек деп шешім қабылдайды. Сол жоспар шеңберінде Эйфель мұнарасы да тұрғызылады. Уақытша деп тұрғызылған ғимарат ақыр соңында Париждің мәңгілік символына айналып кетеді. Біздің ЭКСПО алаңымызда да әлемде әлі аналогы жоқ диаметрі 80 метрлік Қазақстан-Астана атаулы сфера құрылысы жүргізіліп жатқанын біреу білсе, біреу білмес. Сондықтан да, павильондағы басқа декоративті нысандармен бірге осы сфера да әлемнің бір ғажайыбына айналады-ау деген үміт те жоқ емес.

ЭКСПО жастар үшін үлкен дәріс алаңына айналмақ. Үш ай ішінде шетелден келген қонақтарға жол бастау, аудармашы болу сияқты міндетті атқаратын шет тілін білетін және үйреніп жүрген жастарға үлкен тәжірибе алаңына да айналады.