1-тапсырма Мәтіннен Текебай мен Қабылбектің бірінен бірі кешірім сұрау кезін табу.

Дескриптор Білім алушы

• шығарманың құндылығын түсінеді;

• талқылау сұрақтарына жауап береді.

2-тапсырма. Берілген үзінді:

Момыш әкемнің айтуынша, мен мың да тоғыз жүз оныншы жылдың қысында, ескіше декабрьдің жиырма төртінде туыппын. Әкем ол күні Әулиеата шаһарында екен. Мен туған соң Имаш бабам жан жаққа кісі шаптырып, әкеме де хабаршы жіберіпті.

Біздің ауылдың Байтоқ деген кісісі алпыс шақырым Әулиеатаға ат сабылтып жетіп, әкем жатқан үйге кіріп келіп, бір ауыз сөз айтуға дәрмені келмей, Момышты құшақтап жылай беріпті. Әкемнің қарындасының үй-іші үрпиісіп, бір жаманат хабар жеткен екен деп, қорқып қалады. Ақыры бәрі Байтоқтыны жұлмалай, «не боп қалды,айтсаңшы» деп тақақтағанда ғана Байтоқ:

• Жеңешем ұл тапты, - депті

Үрейден үрпиіскен жұрт енді мәз мәйрам болып, қуаныштары қойындарына сыймай, Байтоққа сүйіншісін беріп аттандырыпты!

Әулиеатадан әкем қайтып келгенде ағайын жекжат құтты болсынға жиналып қалған екен.

- О,Момыш, балаңның бауы берік болсын!

-Ақментей бабасындай батыр болсын!

-Ақмоладағы Батырбасыдай мәрт болсын!

-Бәйдібек батырдың әруағы қолдасын!

-Домалақ анамыз жар болсын!- десіпті.

Сөйтіп шілдехана тойға ұласыпты.

Жарық дүниеге келгеніме екі үш ай болғанда, шешем мені күн көзіне шығарып, Имаш атамның алдына әкеліпті. Атам ерте көктем алдында ағаш отырғызып жүр екен.

Атасының қолын ұзартып, қолқабыс беруге келді депті шешем ізетпен иіліп.

Атам еміреніп, мені алақанына алыпты. Қолыма жас бұтақ ұстатып:

Құрық деп берсем, құл болма,

Шыбық деп берсем, шіл болма.

Бәрінен де, шырағым,

Баяны жоқ ұл болма, - деп келініне мені қайтарып берген екен.

Атасымен алғашқы дидарласуының құрметіне деп, алғашқы өсиет өмірлік өнеге болсын деп, әкем сол күні кешке мал сойып, ауыл ақсақалдарының басын қайта қосыпты.

Берілген тірек сөздер:

Төл немерең - бел немерең,

Жас бұтақ.

Дескриптор Білім алушы

• шығармашылдығын танытады.

• өз ойын еркін айтады.

​

shopniceLol    1   07.02.2021 12:37    3