1-тапсырма Мәтінді түсініп оқып, негізгі ақпаратты, көтерілген мәселені анықтауға арналған нақтылау сұрақтарын құрастырыңдар. Қазақ ұлын ұядан, балапан кезінен қырандай қияға қанат қақса екен, отбасы, ошақ қасын- да қалмаса екен деп тілеген. Қарғадайынан ашамай ерттеген тай-құнанға мінгізіп, ұранымды айтар ұланым деп, қолдан келгеннің бәрін аямаған. Талабын ұштаған. Қазақтың бетіндегі ұяты, көңіліндегі мияты бол деген тілегін құлағына құйған. Қазақ қызын ұлдан жоғары қойған, босағаға отырғызбаған, жаны нәзік деп көңіліне қараған, қонақ деп құрметтеген. Тіпті кей тұста ұлға балап өсірген. Ұлттың алтын қазығы, ұлт- тың ғұмыры, ұлылық қыздың ибасында, ананың ақ жаулығында деп, осыны мойнындағы тұмар секілді ой-санасына дарытқан. Ел шеті бүлінсе, ерлердің қатарына қосып, кейде қару да ұстатқан. Бұған көзі ашық, арғы-бергі тарихты ой сарабынан өткізген жан жақсы біледі. Ұлт ғұмыры текті қызға тәуелді. Текті қыздан текті ұлт туады. Ендеше, ұлт қызының тағдыры ұран ұстар ұлдың қолында тұр. Сөз түйінін ұлт қызының үлгісі болған Фариза Оңғарсынованың: «Жоғары қырда ананың бағасы бек, алдына басын иген данасы кеп, Далада өсіріпті қызды ардақтап, болашақ рулы елдің анасы деп. Ерліктің нышаны емес ас пен күші, Ел қорғау – ер жігіттің қастерлі ісі, Жақсы әйел, жүйрік ат пен алмас қылыш қазақта батырлықтың бас белгісі»,- деген өлең жолдарымен аяқтауды мақұл көрдік.

YungTrappa1    1   06.10.2021 14:03    0