1-тапсырма. Мәтінді оқы. 1 негізгі, 1 қосымша ақпаратты анықта. Нан ағашы Үндістан мен Малая аралында өседі. Оның асқабақ тәрізді жемісі болады. Кейбірінің салмағы 25 келіге дейін жетеді. Ағаш жемісінің крахмалы көп, дәмі бидайдың наны тәрізді. Жергілікті тұрғындар осы нан ағашының жемісін бөлшектеп турап, қуырып ас етеді. Сондай-ақ әлгі жемістерді салқын шұңқырға салып, құрамындағы крахмалды ашыту арқылы қамырға ұқсас қоспа алып, одан дәмді тоқаш пісіреді.
Сүт ағашы. Бразилияда сүт беретін ағаш бар, ол Амазонка өзенінің жағасында өседі. Жергілікті халық оны «сорвейра» деп атайды. Сорвейра ағашының бір жерін кертіп қалса, одан сүт сияқты ақ шырын саулап қоя береді. Өзі сүттен сәл қышқылдау. Сондықтан оны алғаш тағам ретінде пайдалана қоймаған. Кейіннен ботаниктер зерттеп, оның сиыр сүтінен ешбір кем еместігін анықтаған. Халықтың айтуынша, ақ шырынға аздап су қосып пісірсе, дәмі сүттен айнымай қалады екен. Ағашты бір «сауғанда» 2-4 литрге дейін сүт алуға болады екен.
Берілген ақпараттардан дұрыс нұсқасын анықта.

Негізгі ақпарат
Қосымша ақпарат
1. Нан ағашы адам ағзасына пайдалы
2. Сүт ағашы адам ағзасына пайдалы
3. Өсімдіктердің ішінде адам үшін пайдалы түрлері көп
4. Нан, сүт ағаштарын жер бетіндегі адамдардың бәрі пайдаланады
1. Нан ағашы мен сүт ағашынан алынған өнімдерді пайдалану үшін қайта өңдеуден өткізеді
2. Нан ағашынан крахмал алынады
3. Сүт ағашынан 2-4 литрге дейін сүт алынады
4. Сүт ағашы мен нан ағашын тағам ретінде пайдалану дұрыс емес

Gurl1696    2   04.12.2020 18:24    0