Якія сюжэты найбольш распаўсюджаны ў фантастычных творах?

Аўтарская фантазія можа перамясціць нас, чытачоў, у мінулае ці ў будучыню. З фантастычных гісторый перад намі паўстаюць невядомыя і загадкавыя краіны, разгортваюцца падзеі на далёкіх планетах. Аўтары апісваюць выдуманыя, звышнатуральныя з’явы, паказваюць розныя цуды на Зямлі, людзей, якія трапляюць у вельмі дзіўныя жыццёвыя абставіны, і асабліва часта запрашаюць на пошукі дзівоснага ў космас. У літаратурнай фантастыцы нас захапляюць выдуманыя героі — робаты, іншапланецяне, незвычайныя жывёлы і чалавекападобныя істоты.