Што такое публіцыстыка? Чым яна адрозніваецца ад мастацкай літаратуры?

Публіцыстыка — від літаратуры, які ў паказе жыцця грунтуецца на адлюстраванні сапраўдных, рэальных падзей і фактаў. Гэта адрознівае публі-цыстыку ад мастацкай літаратуры, у аснове якой знаходзіцца аўтарская фантазія, мастацкі вымысел.

Галоўнай мэтай публіцыстычных твораў з'яўляецца паказ і грамадская ацэнка жыццёвых з'яў, а мастацкіх твораў — стварэнне вобразаў і карцін.

Мастацкая літаратура і публіцыстыка выкарыстоўваюць сродкі мастацкай выразнасці: эпітэты, метафары, параўнанні і г. д. Але ў публіцыстычных творах яны адыгрываюць дапаможную ролю.