1. Биік бір ыдыс алып, оның түбінен және бүйірінен әртүрлі биіктікте кішкентай үш тесік жасаңдар. Ол тесіктерге шырпы тығып бекітіп, ыдысқа толтыра су
құйыңдар. Одан соң тесіктерді ашып, олардан шапшып аққан судың ағысын
бақылаңдар. Сұйық тереңдеген сайын қысымның ұлғаятындығы неден көрінеді?
2. Шыны ыдысқа (стақанға немесе банкаға) қалаған мөлшерде су құйыңдар. Қажетті
өлшеулерді орындаңдар және судың ыдыс түбіне түсірген қысымын есептеңдер.
3. а) Шыны түтікті ішінде суы бар стақанға батырыңдар. Түтіктің жоғарғы
ұшын саусақпен қатты жауып тұрып, оны судан шығарыңдар. Түтіктен су неге
төгілмейді? Түтіктің жоғарғы ұшын ашыңдар. Енді неліктен су төгіле бастайды?
ә) Поршені бар шыны түтікті ішінде суы бар стақанға батырыңдар да поршеньді
жоғары тартыңдар. Неліктен су поршеньмен ілесе көтеріледі?
б) Пипеткамен су алыңдар. Суды пипеткадан стақанға төгіңдер. Өз әрекеттеріңді
ретімен талдай отырып, сол кездерде байқалған құбылыстарды түсіндіріңдер.​

57788    3   22.01.2021 12:32    29